Қазақстан Республикасы Күні қарсаңында

Әл-Фараби атындағы Қазақ Ұлттық Университетінің жоғары оқу орнына дейінгі білім беру факультетінің шетелдіктердің тілдік және жалпы білім беру дайындығы кафедрасында оқитын шетелден келген студенттермен жұмыс Қазақстанмен жан-жақты танысуды көздейді. Кафедраның оқытушылары, куратор-эдвайзерлері студенттерді оқып жатқан елімен таныстырып, бүгінгі күн туралы, сондай-ақ мемлекетіміздің дамуының негізгі тарихи кезеңдері туралы әңгімелейді. Қазақстанның жаңа тарихына да ерекше назар аударылады.

25 қазан күні атап өтілетін Қазақстан Республикасы Күні қарсаңында барлық оқу топтарында дәстүрлі түрде Корея, Жапония, Қытай, Америка, Филиппин студенттері үшін танымдық іс-шаралар өткізіледі. Ашық кураторлық сағаттардың барысында шетелдік азаматтар мейрамның шығу тарихы туралы біліп, осы мереке туралы өз білімдерімен бөліседі. Аудиторияның назарына тілді меңгеру деңгейіне байланысты көрнекі фотоматериалдар ұсынылады, бейнефильмдер көрсетіледі. Бұл жұмыс оқу сабақтарына қосымша болып табылады және, әрине, білім алушылардың лексикалық қорын кеңейтеді.

Осылайша, шетелдіктердің тілдік және жалпы білім беру дайындығы кафедрасының оқытушылары іс жүзінде сапалы білім беру туралы тұрақты даму мақсаттары арасында мәлімделген идеяны жүзеге асырады. Сапалы білім алу мәдениетаралық диалогқа ықпал етеді және әлеуметтік келісім мен әділеттілікке қол жеткізудің маңызды факторлары болып табылатын мәдени, діни және тілдік әртүрлілікке құрмет көрсетеді.