ТАЯУ ШЫҒЫС ЖӘНЕ ОҢТҮСТІК АЗИЯ КАФЕДРАСЫ РЕСПУБЛИКА КҮНІН МЕРЕКЕЛЕУ АЯСЫНДА КУРАТОРЛЫҚ САҒАТ ӨТКІЗДІ

2024 жылдың 23 қазанында Шығыстану факультетінің Таяу Шығыс және Оңтүстік Азия кафедрасында "Тұрақты даму мақсаттары" жобасының аясында «Бейбітшілік әділдік және тиімді институттар» бағытында куратор-эдвайзерлер Жиекбаева А.Б., Мұқаш А.Е., Жумадилова А.Е. Жумажанова Ф.Т. «Республиканың қалыптасуы: Тарих және Қазіргі заман» тақырыбында «Шығыстану» мамандығының студенттерімен кураторлық сағат өткізді.

Іс-шара барысында Қазақстанның тәуелсіз республика ретінде қалыптасу үдерісі талқыланды. Оқытушылар тәуелсіздікке жету жолында елдің басынан өткен маңызды тарихи оқиғалар мен қиындықтар туралы өз студенттеріне баяндап берді. Аға буынның егемендікті нығайтуға қосқан елеулі үлесіне ерекше назар аударылды. Қатысушылар еліміздің жетістіктерімен қатар, тәуелсіздікке қол жеткізудің құны жайында да пікір алмасты.

Тәуелсіздік жылдарындағы Қазақстанның мәдени және экономикалық дамуы тақырыбы да қозғалды. Студенттер сұрақтар қойып, республика болашағы туралы ойларын білдіріп, өз әсерлерімен бөлісті. Іс-шара жастардың елдің болашақ дамуына қатысуының маңыздылығын атап өтіп, оптимистік нотада аяқталды.