ҚазҰУ-да «Сапалы білім» ТДМ аясында корей мәдениеті күні өтті

2024 жылдың 23 қазанында шығыстану факультетінің Қиыр Шығыс кафедрасында Алматы қаласындағы Корея Республикасы білім беру орталығының қолдауымен 1-3 курс студенттер арасында кезекті «K-CULTURE DAY» шарасы өтті.

Іс-шараның негізгі ұйымдастырушылары профессор Ли Бёнг Джо мырза және Қиыр Шығыс кафедрасы корей бөлімінің эдвайзерлері болды. Іс-шараның мақсаты – студенттерді  Корея  мәдениетімен таныстыру, сонымен қатар корейтануға деген қызығушылықтарын арттырып,  студенттер арасында бірлік пен достық көңіл-күйін қалыптастыру.

Бағдарламада көңілді музыкалық қойылымдар, соның ішінде K-POP әндері мен билері, Корея тақырыбындағы интерактивті ойындар мен викториналар болды. Студенттердің ән айту және билеу шеберлігі, сонымен қатар викторина сұрақтарына берген белсенді жауаптары барлық қатысушылар мен қонақтарды таңғалдырды.

Іс-шара көңілді және танымдық атмосферада өтіп, студенттер үшін тек Корея туралы білімдерін арттыруға ғана емес, сонымен қатар корейтану саласында одан әрі білім алуға қажетті маңызды ақпаратпен алмасуға тамаша мүмкіндік болды.