«ТУРИЗМ» МАМАНДЫҒЫНЫҢ СТУДЕНТТЕРІ "ЖУСАН ИІСІ" СПЕКТАКЛІН ТАМАШАЛАДЫ

2024 жылғы 23 қазан күні География және табиғатты пайдалану факультеті, Рекреациялық география және туризм кафедрасының оқытушысы Ермакова А.К. жетекшілігімен «Туризм» мамандығының 1-ші курс студенттері тұрақты дамудың он алтыншы мақсаты:  «Бейбітшілік, сот әділдігі мен мықты институттар» аясында «Бейбітшілік-ел тірегі» тақырыбында ашық сағат өткізу мақсатында Ғабит Мүсірепов атындағы Қазақ Мемлекеттік Академиялық балалар мен жасөспірімдер театрына барып, Сайын Мұратбековтың «Жусан иісі» шығармасы бойынша сахналанған қойылымды көріп қайтты.

«Жусан иісі» — халықтың соғыстан кейінгі тұрмысы мен қазақ ауылының, тыныс-тіршілігін шынайы сомдаған туынды. Соғыс кезіндегі ауыл тұрмыс-тіршілігі бейнеленген спектаклді көре отырып, бүгінгі ұрпақ бейбіт күнде өткен балалық шағына барып қайтқандай болды. Қойылым барысында студенттер тарих қойнауына көз жүгіртті. Қойылым арқылы туған жердің, бабаларымыздың аңсаған еркіндік рухын сезінді.