"Апрель" қайырымдық хоры және оның әл-Фараби атындағы ҚазҰУ-мен ынтымақтастығы туралы бірнеше сөз

2015 жылдың сәуірінде Галина Доценко мен Я. Рудковский "Апрель" хорын құрды. Бірінші дайындыққа тек 10 адам ғана қатысты.  Қазір хордың сахнада жүргеніне 9 жыл болды, құрамы 70 адамға дейін өсті. Оған жасы да, ұлты да әр басқа, түрлі кәсіппен айналысатын адамдар қатысады. Олардың барлығын музыка мен музыкаға деген сүйіспеншілік біріктіреді. Алғашқы күндерден бастап бұл хорда ҚазҰУ-дың жоғары оқу орнына дейінгі білім беру факультетінің шетелдіктердің тілдік және жалпы білім беру дайындығы кафедрасының профессоры біздің әріптесіміз Ж. А. Нұршайықова ән айтады. Бұл жылдары хор тек сандық жағынан ғана емес, сонымен қатар сапалық жағынан да өсті. Шығармалар қазірдің өзінде 6 дауыспен айтылады.

Хордың репертуары алуан түрлі – халық әндерінен классикаға дейін, сондай-ақ бұл әндер 20-ға тарта тілде орындалады.

Хорды 2015 жылдан бастап құрметті өнер қайраткері Ян Рудковский басқарады. Осы уақытқа дейін «Апрель» 30-дан астам концерт өткізді.

Олардың ішінде:

2018 жылдың 29 наурызында хор әл-Фараби атындағы ҚазҰУ-дың Наурызға арналған мерекелік концертіне қатысты.

2018 жылдың 30 сәуірінде әл-Фараби атындағы ҚазҰУ-дың  "Бізді Қазақстан біріктірді" атты фестивалінде өнер көрсетті.

2019 жылдың 26 маусымында хор профессор және әріптес Ж.А. Нұршайхованың мерейтойына арналған салтанатты кеште  ҚазҰУ-дың жоғары оқу орнына дейінгі білім беру факультетінің акт залында бірнеше тілде ән шырқады.

"Апрель" хоры – қайырымдылық хоры. Ол түрлі қайырымдылық шараларына, фестивальдерге, марафондарға қатысады және концерттерден түскен ақшаны қайырымдылыққа береді. Хор осы жылдары өнер көрсете жүріп 15 түрлі қайырымдылық шарасына қатысты. 3 жыл ішінде хор пандемияға үзіліс жасап, 1 741 411 теңге жинап, 4 есептік концерт берді. Бұл ақша "Қуаныш сыйлаймыз" жобасына берілді, "Амила" қайырымдылық қорының қамқорлығына алынғандарға дәрі-дәрмектер сатып алынды және балалар хосписінің қамқорлығына алынғандарға жаңа жылдық сыйлықтар сатып алынды. 5 жыл бойы "Апрель" хорының қайырымдылық концерттерін өткізу алаңын Alma U университеті тегін берді, осылайша онкологиялық науқастарға көмек көрсетті.

Өткен 9 жыл ішінде жаттығу хордың дайындығы түрлі ғимараттарда болып жатты.  Олардың арасында музыкалық мектеп, консерватория және әл-Фараби атындағы ҚазҰУ да болды.  2018-2019 жылдары Бөгенбай батыр/Масанчиде көшесінде орналасқан жоғары оқу орнына дейінгі білім беру факультетінің мәжіліс залы дайындық алаңы болды. Қазір 5 жыл бойы Хор "Идел" татар-башқұрт орталығының ғимаратында жаттығады.  2020-2021 оқу жылында ҚазҰУ-дың халықаралық қатынастар факультеті хорға өз ғимаратында үлкен аудиторияларда жаттығуға мүмкіндік берген еді.  Бұл ғимараттардың бәрі дайындық үшін орынды тегін беріп отырды. Ол үшін «Апрель» хоры зор алғысын білдіреді.  Бұл да қайырымдық әрекеті.

Қайырымдық адамдарды біріктіреді!

Қайырымдық әлемді өзгертеді!