«Әлмерек абыз Жаншықұлы және Қарадала өңірі тарихы» атты ғылыми-тәжірибелік конференция

16 мамыр 2024 жыл Тұрақты даму мақсаттары бағдарламасының аясында «Әлмерек абыз Жаншықұлы және Қарадала өңірі тарихы» атты ғылыми-тәжірибелік конференция болып өтті. Аталмыш конференцияға белгілі тарихшы ғалым Әл-Фараби атындағы ҚазҰУ-і, Қазақстан тарихы кафедрасының меңгерушісі ҚР ҰҒА академигі, Кәрібаев Берекет Бақытжанұлы қатысып баяндама жасады.

Конференция аясында Әлмерек абыздың туғанына 365 жыл толуына орай ашылып отырған алып ескерткіш тарихқа деген тағзымның, елдікке деген ерекше құрметтің белгісі екендігін атап өтті. Әлмерек баба жоңғар шапқыншылығы кезінде алашқа мәлім батыр, қолбасшы болып, 60 жылын ат үстінде өткізген, абыз, көріпкел баба ретінде халық жадында ерекше сақталғандығына тоқталды.