ҚазҰУ № 14 жатақханасында «Қолжетімді және экологиялық таза энергия» ТДМ-ын қолдау мақсатында «Жарықсыз сағат» акциясы өтті

2024 жылдың 24 қазанында шығыстану факультетінің студенттері тұратын әл-Фараби атындағы Қазақ ұлттық университетінің № 14 жатақханасында «Жарықсыз сағат» акциясы өтті. Іс-шара «Қолжетімді және экологиялық таза энергия» тұрақты даму мақсатын қолдауға арналып, электр энергиясын үнемді пайдалану мәселелеріне назар аударуға бағытталған.

Студенттер ресурстарды сақтау мен жауапты тұтынуға қосқан үлестерін көрсету үшін өз еріктерімен жарықты бір сағатқа сөндірді. Акция барысында фотосуреттер мен бейнежазбалар түсірілді, онда студенттердің қараңғы жағдайында энергия тиімділігінің маңыздылығын талқылап жатқандары көрсетілді. Олар жатақхана тұрғындары мен таныстарын табиғи ресурстарға ұқыпты қараудың және экологиялық таза өмір салтының маңыздылығы туралы ойлануға шақырды.

Ұйымдастырушылар мұндай бастамалар жастарға энергия тиімділігінің маңыздылығын түсінуге және қоршаған ортаны қорғауға ықпал ететін әдеттерді қалыптастыруға көмектеседі деп үміттенеді.