Тарихшылардың ғылыми іс-сапарынан

Тұрақты даму мақсаттары бағдарламасының 4. Сапалы білім  бағытын жүзеге асыру үшін Қазақстан тарихы кафедрасының доценттері Г.Б. Хабижанова, М.С.Ноғайбаева 2024 жылдың 18 – 28 қазан аралығында Азербайжан Республикасы Ұлттық Ғылым Академиясы А.А.Бакиханов атындағы Тарих және этнология институтында ғылыми тәжірибе алмасу және ғылыми материалдар жинау мақсатында іс-сапарға барды. Ғалымдар институт архивінде сақталған түркі халықтарының ортағасырлық топоникасына қатысты құжаттардан қазақ тарихымен байланысты деректерді жинақтады.   М.Ф.Ахундов атындағы Азербайжан Ұлттық кітапханасының дереккор базасынан түркі әлеміне қатысты сирек кездесетін кітаптармен танысты. Факультет ғалымдары оғыз тайпалық бірлестігімен байланысты ортақ топонимикалық, ономастикалық мұраларға қатысты пікір алмасу мақсатында  Азербайжан Республикасы Ұлттық Ғылым Академиясының География институтының Ғылыми кеңесіне қатысып, баяндама жасады. Азербайжан ғалымдарының жаңа зерттеулері нәтижесінде жарияланған кітаптары факультет кітапханасы базасын толықтырды. Ғылыми іс-сапар 2024-2026 жылдарға «Қазақ халқының этникалық территориясының қалыптасу аспектісіндегі ортағасырлық топонимика» іргелі жобасы негізінде жүзеге асырылды.