«Сапалы білім беру» ТДМ аясында Ыстамбул университетінің қауымдастырылған профессоры Айна Әскероглу Арслан шығыстану факультетіне іс-сапармен келді

2024 жылдың 29 қазанында Ыстамбұл университетінің қауымдастырылған профессоры және тарих ғылымдарының докторы Айна Әскероглу Арслан ханым әл-Фараби атындағы Қазақ ұлттық университетіне іс-сапармен келді. Айна Әскероғлы Арслан - AVID Еуразиялық зерттеулер журналы редакциясының мүшесі, сонымен қатар Scopus және WOS халықаралық дерекқорларында индекстелген бірқатар ғылыми жұмыстардың авторы.

Сапар барысында профессор шығыстану факультетінің деканы Ем Наталья Борисовнамен кездесті. Кездесуде Ыстамбул университеті мен ҚазҰУ арасындағы халықаралық ынтымақтастықтың келешегі, соның ішінде академиялық ұтқырлық, офлайн семинарлар және басқа да бірлескен іс-шаралар туралы мәселелер талқыланды.

Сапар қорытындысы бойынша профессор Айна Әскероғлы Арсланның түркітану және Шығыс елдерінің тарихы кафедрасында дәріс оқуы туралы келісімге қол жеткізілді. Дәріс бағдарламасында «Тарихи зерттеулердің өзекті мәселелері» және «Ислам және қазіргі әлемдегі саясат» тақырыптары қарастырылады.

Бұл студенттер мен оқытушылар үшін түркология, тарих, дін және мәдениет саласындағы танымал сарапшымен  тәжірибе алмасуға зор мүмкіндік берері сөзсіз.

Біздің жаңалықтарымыз бен академиялық кездесулер туралы ақпаратты жіберіп алмаңыздар!

Түріктану және Шығыс елдерінің тарихы кафедрасы:                

  Дулаева Эльнара Зильпикаровна

Халел Агнур