«Денсаулық сақтаудағы DBA» бағдарламасының алғашқы түлектеріне диплом табысталды

Әл-Фараби атындағы ҚазҰУ-да Farabi International Business School түлектеріне салтанатты түрде диплом табыстау рәсімі өтті.

Бірнеше жыл бұрын Қазақстанда алғаш рет іске қосылған «Денсаулық сақтаудағы DBA» (Doctor of Business Administration in Healthcare) бағдарламасының алғашқы 13 түлегі көптен күткен дипломдарын алды.

Салтанатты шарада Farabi International Business School директорының орынбасары Қиял Түкембаева денсаулық сақтаудағы іскерлік әкімшілендіру мамандығының  алғашқы түлектеріне диплом тапсыру университет пен бизнес-мектеп тарихындағы маңызды кезең болғанын атап өтті. Ол мектептің негізгі мақсаты 90 жылдығын атап өтетін ҚазҰУ-дың көпжылдық білім беру тәжірибесін менеджмент пен бизнесті басқарудағы жаңа үрдістермен біріктіру екенін атап өтті. Ол жаңашылдықтарды мектеп бес жыл бойы белсенді түрде енгізуде.

Директордың орынбасары Ермекбай Қанағат Әлімжанұлы  денсаулық сақтау саласындағы докторанттардың алғашқы шығарылымының маңыздылығына тоқталып, олардың мақсаттылығы мен еңбекқорлығын атап өтті. Ол ҚазҰУ түлегі мәртебесі табысты мансапқа ықпал етіп, оларға жаңа мүмкіндіктер ашатынына сенім білдірді.

Атаулы күнде денсаулық сақтаудағы MBA және EMBA бағдарламасын аяқтаған 120-ға жуық магистрантқа да диплом табысталды. Бұл бизнес мектептегі танымал оқу бағдарламасының тарихындағы ең көп шығарылым. DBA түлектерінің үлгісінен шабыттанған олардың көпшілігі басқарудағы өзекті трендтерден үнемі хабардар болу үшін оқуды жалғастыруды жоспарлауда. Түлектер білім алу және компанияларда тәжірибе жинақтау барысында өмірлерінде болған оң өзгерістер жайлы айтты. 

Бүгінде бизнес мектеп әртүрлі білім беру бағдарламаларын ұсынады. Оның ішінде орыс, ағылшын тілдеріндегі MBA және денсаулық сақтау саласындағы арнайы EMBA және DBA бағдарламалары бар. Бұл курстар нарықтың заманауи қажеттіліктерін ескере отырып әзірленген және басқарушылық дағдыларды дамытуға және топ-менеджерлер мен бизнес иелерінің білімдерін жүйелеуге, сондай-ақ жоғары білікті мамандарды даярлауға бағытталған.

Farabi International Business School командасы өз түлектерін мақтан тұтады, олардың арасында тәжірибелі кәсіпкерлер, жаңа білім беру және кәсіби жетістіктерге сенімді түрде баратын өршіл стартап құрушы жастар да бар. Мектептің бизнес-жаттықтырушылары түлектерді құттықтай отырып, оларға мансап жолында толағай табыс пен отбасыларына амандық тілейді.

Әл-Фараби атындағы ҚазҰУ-дың Баспасөз қызметі