Математикалық және компьютерлік моделдеу кафедрасының оқытушысы Сагимбаева Л.А. «500 ғалым» бағдарламасы бойынша «Болашақ» халықаралық стипендиясына ие болды.

Математикалық және компьютерлік моделдеу кафедрасының оқытушысы Сагимбаева Лида Аркенқызын «500 ғалым» бағдарламасы бойынша «Болашақ» халықаралық стипендиясын жеңіп алуымен құттықтаймыз!

Лида Аркенқызы 2024 жылдың қазан айынан бастап 2025 жылдың наурызына дейін Ұлыбританияның Рединг университетінде өтетін «Компьютерлік ғылымдар теориясы мен әдістері» бағдарламасына қатысады. Бұл кәсіби даму кезеңі заманауи оқыту және зерттеу әдістерін терең меңгеруге, сондай-ақ халықаралық деңгейдегі білім беру семинарлары мен пікірталастарға белсенді қатысуға мүмкіндік ашады. 

Бұл жоба Тұрақты даму мақсаттарына, әсіресе ТДМ 4 «Сапалы білім» және ТДМ 9 «Инновациялар және инфрақұрылым» бағдарламасына сәйкес ғылыми әлеуетті нығайтуға және білім мен ғылымның болашағына әсер ете алатын жаңа білімдерді құруға ықпал етеді.

Сагимбаева Лида Аркенқызына оқуда, жемісті жұмыста және ғылыми қызметтегі жаңа жетістіктерге сәттілік тілейміз!

Математикалық және компьютерлік моделдеу кафедрасының маманы