Әл-Фараби атындағы ҚазҰУ-нің докторанттары мен магистранттары Алматы музейіне экскурсия жасады

2024 жылдың 9 қарашасында ҚазҰУ-нің «дінтану» және «исламтану» мамандығының магистранты мен докторанттары Алматы музейіне экскурсияға барды. Іс-шараға әл-Фараби атындағы ҚазҰУ-нің профессоры, з.ғ.к. К.М. Бишманов және докторант Н.Жетпісбай жетекшілік етті.

Экскурсия барысында келушілер музейдің бай тарихи және мәдени мұрасымен танысып, Қазақстанның және дүниежүзілік мәдениет пен діндер тарихынан маңызды жәдігерлерді көрді. Музейде сақталған тарихи және этнографиялық экспонаттар зерттеушілердің ғылыми  жұмыстары үшін жаңа көзқарастар мен ғылыми ақпараттар ұсынды.

Профессор К.М. Бишманов экскурсия кезінде музейдегі әрбір экспонаттың тарихи және діни маңызын түсіндіріп, оның ғылыми-зерттеу жұмыстарындағы рөлін талқылады. Бұл іс-шара дінтану және исламтану саласындағы болашақ зерттеушілер үшін ерекше тәжірибе болды. Музей экспонаттары олардың ғылыми қызығушылықтарын арттырып, жаңа тақырыптарды зерттеуге деген ынтасын күшейтті.

Бүгінгі Алматы музейіне жасалған экскурсия білім алушылардың тарихи және мәдени білімдерін кеңейтуге, сондай-ақ ғылыми байланыстарды нығайтуға үлкен мүмкіндік болды. Бұл экскурсия алдағы уақытта да жалғасын тауып, студенттер мен жас ғалымдардың мәдениет пен дін саласындағы білімдерін тереңдетуге ықпал ететіні сөзсіз.

әл-Фараби атындағы ҚазҰУ, з.ғ.к., профессор Бишманов Какимжан Муратжанович

әл-Фараби атындағы ҚазҰУ, «Дінтану» мамандығының 1 курс докторанты Жетпісбай Назерке