ТДМ. Қымбат емес және таза энергия

20 қыркүйек күні аль-Фараби атындағы ҚазҰУ-нің Физика-техникалық факультетінің Электроника және астрофизика кафедрасының студенттері “Атом энергиясы - тұрақты энергетикалық болашақтың негізгі элементі” тақырыбында пікірталас өткізді.

Бұл іс-шара жастар арасында үлкен қызығушылық тудырып, олар энергетика, ядролық қауіпсіздік және АЭС салудың экологиялық салдары туралы мәселелерді белсенді түрде талқылады.

Пікірталас барысында қатысушылар командаларға бөлініп, “қарсы емеспіз” және “қарсымыз” деген ұстанымдарды қорғады. Атом энергетикасының негізгі түсініктері, Қазақстандағы АЭС тарихы және оның экологиялық әсерлері талқыланды.

Жеңімпаздар дипломдармен марапатталды, ал барлық қатысушылар ядролық энергетика туралы білімдерін тереңдетудің маңыздылығын атап өтті. Бұл олардың болашақта Қазақстанның энергия саясатындағы рөлін анық түсінуге мүмкіндік береді.