Ағымдағы жылдың 23-28 қазан аралығында Ресей Федерациясының аумағында Оңтүстік Осетия Республикасы Цхинвал қаласында карабин мен «9х19» калибрлі тапаншадан практикалық ату бойынша халықаралық жарыстар өтті. Жасөспірімдер санатында «тапанша калибрлі карабин» класында Қазақстаннан әл-Фараби атындағы Қазақ ұлттық университетінің «Техникалық физика» білім беру бағдарламасының 2 курс студенті Калдыбаев Аслан өнер көрсетті. Ол бірден екі орынды иеленді: дуэльдік атыста 2 орын және ерлер арасында 3 орын. Жарысқа барлығы 75 адам қатысты, оның ішінде 14 қатысушы студентіміздің қарсыластары болды. Жарысқа Швейцария, Канада, Әзірбайжан, Румыния, Ресей, Белоруссия және Қырғызстан сияқты елдердің өкілдері де қатысты. Калдыбаев Аслан Халықаралық практикалық атыс конфедерациясының (IPSC) құрамына кіретін Қазақстандық практикалық атыс қауымдастығының (ҚАПС) қолдауымен қатысты.
Жылуфизика және техникалық физика кафедрасы Калдыбаев Асланды шын жүректен құттықтайды! Біз оған жарқын жеңістер мен лайықты нәтижелер тілейміз!
Басқа жаңалықтар
