"Тұрақты даму мүддесіндегі әріптестік" ТДМ жобасы аясында аясында оқытушылар мен студенттердің әл-Қасимия университетінің делегациясымен кездесуі өткізілді

ТДМ жобасы, "Тұрақты даму мүддесіндегі әріптестік" пункті аясында 2024 жылғы 7 қарашада шығыстану факультетінің Таяу Шығыс және Оңтүстік Азия кафедрасының оқытушылары мен эдвайзерлері және араб бөлімінің бакалавриат студенттері әл-Фараби атындағы ҚазҰУ мен Әл-Қасимия университеті арасындағы ынтымақтастық туралы екіжақты меморандумға қол қоюға орайластырылған, әл-Қасимия университетінің (Біріккен Араб Әмірліктері) ректоры Ауад Әл-Халаф және халықаралық қатынастар департаментінің директоры Нух Закария құрамындағы делегациямен кездесуді өткізді. Студенттер мәдени-танымдық қойылым өткізді, онда олар Қазақстан мен БАӘ арасындағы дипломатиялық қатынастар бойынша слайдтарды қорғады, араб тілінде өлеңдер оқып, нашидтер шырқады, қазақтың ұлттық музыкалық аспаптарында ойнады. Екі университеттің өкілдері өзара тиімді тәжірибе алмасу, студенттердің ұтқырлығы, оқытушылардың біліктілігін арттыру және бірлескен ғылыми жобалар сияқты екіжақты қатынастардың перспективалық бағыттарын талқылады.