«Ерлер Марстан, әйелдер Венерадан»

Орыс филологиясы және әлем әдебиеті кафедрасының оқытушысы Динара Қайратқызы филология факультетінің 2-курс студенттерімен БҰҰ-ның ТДМ-5 «Гендерлік теңдік» шеңберінде «Ерлер Марстан, әйелдер Венерадан» тақырыбында дөңгелек үстел өткізді. Іс-шараның негізгі мақсаты — Қазақстан қоғамындағы гендерлік теңдік мәселесін талқылау, басқа елдердегі жастардың гендерлік теңдікке қатысты көзқарастарын зерттеу, сондай-ақ студенттердің осы тақырыпқа қатысты өз пікірлерін қалыптастырып, оны негіздеу және презентациялар жасау.

Студенттер ұсынылған ақпаратты талқылауға белсенді қатысып, сұрақтар қойып, өз ойлары мен презентациялардан алған әсерлерімен бөлісті. Семинар барысында қоғамдағы ер мен әйелдің рөлін түсінуге бағытталған практикалық тапсырмалар ұсынылды. Презентациядағы түрлі мысалдар мен иллюстрациялар материалды жақсы меңгеруге және оның шынайы өмірде қолданылу мүмкіндігін көруге септігін тигізді.

Гендерлік теңдік тақырыбы студенттердің ерекше қызығушылығын тудырды. Олар оқытушыны мұқият тыңдап, сұрақтар қойып, талқыланған мәселелер бойынша өз ойларын білдірді. Практикалық тапсырмаларды орындау барысында дөңгелек үстелге қатысушылар IT-технологияларды пайдалану және сыни ойлау дағдыларын көрсетті.

Қорытындылай келе, гендерлік теңдік тақырыбы бойынша дөңгелек үстел студенттер үшін ақпараттық, қызықты және танымды болды. Бұл іс-шара олардың тұрақты даму саласындағы білімдерін кеңейтіп, тұрақтылық қағидаттарын күнделікті өмірлеріне және болашақ кәсіби қызметтеріне белсенді енгізуге шабыт берді.