2024 жылы 12 қараша күні Әл-Фараби атындағы ҚазҰУ кітапханасында «Кітапхана – ғылым әлеміне жол» атты іс-шара өткізілді. Аталған іс-шара Түркітану және тіл теориясы кафедрасының доцент м.а Таусоғарова Аяужан Кайратовна, аға оқытушылары Кайбулдаева Аксауле Зауытбековна және Досанова Альбина Маратхановнаның жетекшілігімен "Лингвистика" мамандығының 1 курс докторанттарына ғылым әлемімен танысу, кітапхана мүмкіндіктерімен жақыннан білу мақсатында өтті. Бұл шараның басты мақсаты – жастарды кітапхана ресурстарымен таныстыру және олардың ғылыми ізденістерін дамытуға қолдау көрсету.
Іс-шара барысында кітапхана қызметкерлері қатысушыларға түрлі әдебиеттер, ғылыми журналдар және электрондық ресурстар туралы ақпарат берді. Сонымен қатар, қатысушылар кітапхананың заманауи технологияларымен танысып, ғылыми жұмыстарды жазу мен зерттеу жүргізу тәсілдерін үйренді.
Кітапханамыздың бас кітапханашысы Темирова Гүлмира Нұрманқызының айтуынша, осындай шаралар жастардың білім көкжиегін кеңейтумен қатар, олардың сыни ойлау қабілетін дамытуға ықпал етеді. Кітапхана – бұл тек кітап оқитын орын ғана емес, ғылым мен білімнің шынайы орталығы.
Іс-шара соңында қатысушылар кітапхананың тұрақты оқырманы болуға ниет білдіріп, өздеріне қызықты ғылыми материалдарды таңдады. Көпшілігі алдағы уақытта кітапхана ресурстарын белсенді пайдаланып, білімдерін тереңдетуге уәде берді.
Бұл шара кітапхананың студенттерге жаңа мүмкіндіктер ұсынып, оларды ғылыми зерттеулер мен білім алуға ынталандырудағы рөлін айқын көрсетті.
Ұйымдастырушы: Түркітану және тіл теориясы кафедрасының доцент м.а Таусоғарова Аяужан Кайратовна, аға оқытушылары Кайбулдаева Аксауле Зауытбековна және Досанова Альбина Маратхановна.
Басқа жаңалықтар
