«Халықаралық құқық орталығы – Медиация орталығы»
2024 жылдың 11 қарашасында әл-Фараби атындағы ҚазҰУ-дың мемлекет және құқық теориясы мен тарихы, конституциялық және әкімшілік құқық кафедрасының профессоры, заң ғылымдарының докторы Ж.А. Кегембаева екінші курс заң факультетінің студенттерімен бірге «Халықаралық құқық орталығы – Медиация орталығы» республикалық қоғамдық ұйымына барды. Іс-шара Тұрақты даму мақсаттарының аясында ұйымдастырылып, Гендерлік теңдік (№5 мақсат) тақырыбына арналды. Қонақтарды орталық директоры, халықаралық деңгейдегі тренер-медиатор Жақұпов Жанділда Әжіғалиұлы қарсы алып, студенттерге медиация рәсімдерінің негізгі міндеттері мен мақсаттары, келіссөз стратегиялары және түрлі қақтығыстарды шешу барысында тараптардың өзара әрекеттесу тәсілдері жайында таныстыру сұхбатын өткізді. Жоғары эмоционалды тұрақтылықты, адам психологиясын түсінуді және заңды тұрғыдан келісім табу қабілетін қажет ететін күрделі салада медиатор ретінде ерлер де, әйелдер де табысты жұмыс істей алатынына ерекше назар аударылды. Студенттер дәріскердің кәсібилігі мен тәжірибесін жоғары бағалап, іс-шараның болашақ заңгерлік тәжірибелері үшін маңыздылығы мен пайдасын атап өтті. Медиация орталығына бару оларға дауларды бейбіт жолмен шешудің және медиаторлардың заманауи қоғамдағы рөлін терең түсінуге мүмкіндік берді.
