Әл-Фараби атындағы ҚазҰУ-да Экономика және бизнес жоғары мектебінің Қаржы және есеп кафедрасының ұйымдастыруымен «Студент жастардың Қазақстан халқының қаржылық сауаттылығын арттыруға қосқан үлесі» тақырыбында зияткерлік пікірталастар өтті.
Зияткерлік пікірсайыс байқауына «Инсайт» (Turan-Astana University, Астана қ.), «ТарФин» (Тараз өңірлік университеті, М.Х.Дулати), «Фараби құбылыстары» (ҚазҰУ), «Импульс» (Caspian University), «Талхиз» және «Диван талдаушылары» (Narxoz University), «QADAM» және «Neratores» (Тұран университеті), «UIB Fatality» (Халықаралық бизнес университеті), сондай-ақ «Қаржыгерлер» (Almaty Management University) сияқты 12 команда қатысты.
Байқауды ұйымдастыруға және өткізуге Әл-Фараби атындағы ҚазҰУ-дың Экономика және бизнес жоғары мектебінің Қаржы және есеп кафедрасының меңгерушісі Г.Керімбек, кафедраның профессор-оқытушылары А.Асилова, Г.Сұпығалиева, Ж.Жорабаева, Т.Жұмаділова және «Қаржы» білім беру бағдарламасының 4-курс білім алушылары белсенді қатысты
Жарыс бірнеше кезеңде өтті. Қатысушылар тапсырмаларды орындап, қаржы саясатының өзекті мәселелерін талқылады. ҚазҰУ-дың «Фараби құбылыстары» командасы білімі мен тапқырлығын көрсетіп, қазақ және орыс топтарында үшінші орынға ие болды.
Іс-шара білім алушылардың қаржылық білімін тереңдетіп қана қоймай, қаржылық сауаттылығын арттыруға, кәсіби әлеуетін дамытуға, білікті мамандардың қалыптасуына ықпал етті.
Әл-Фараби атындағы ҚазҰУ-дың Баспасөз қызметі
Басқа жаңалықтар
