Тұрақты даму мақсаттарының (ТДМ) «Сапалы білім беру» тармағы аясында факультетте ирандық оқытушы дәріс беруде

Таяу Шығыс және Оңтүстік Азия кафедрасы ирантану бөлімінде ирандық оқытушы, PhD доктор Фахиме Шакиба студенттер мен магистранттарға және сондай-ақ республикалық парсы тілінің онлайн білім жетілдіру курсында парсы тілінен дәріс береді. Фахиме Шакиба ҚазҰУ-ға Иран Ислам Республикасының Ғылым, зерттеулер және технологиялар министрлігінің тарапынан жіберілген. Доктор Фахиме Ираның көшбасшы университеті Тегеран университетінің түлегі (археология мамандығы) және магистратура (өнер, көне тілдер және мәдениет мамандығы) мен докторантураны (өнер, көне тілдер және мәдениет мамандығы) Гуманитарлық және мәдени зерттеулер ғылыми-зерттеу институтында оқыған. Мәдениет және көне иран тілдерінің маманы. Қазіргі таңда Рафсанджан қаласындағы Вали аср университеті ирантану факультеті көне иран тілдері және мәдениеті кафедрасының доценті.