І халықаралық түркі дүниесі жастары форумына қатысушылар ҚазҰУ тарихы музейі экспозицияларын тамашалады

«Қазақстан – күллі түркі дүниесінің кіндігі,  қасиетті қара шаңырағы.  Түркі дүниесінің өзіндік мол тарихы мен мәдениеті бар. Қазіргі жастар осы мәдениет пен тарихты, өркениетті, ата-баба жолын білуі қажет», - деп атап өтті форумның салтанатты ашылуында ТҮРКСОЙ халықаралық ұйымының бас хатшысы Сұлтан Раев мырза.

Әлемнің 25 мемлекетінен келген түркі тілдес жастар қауымы 90 –жылдық терең тарихы бар музей экспозицияларын қызығушылықпен тамашалады. Ел тарихымен бірге дамып, өркендеп келе жатқан қарашаңырақ Қазақстанға сауатты, білікті,интеллектуалды мамандар дайындап келеді. ҚазҰУ-дың өткені мен болашағынан жасақталған керемет музей экспозициялары жастарға өте қатты әсер қалдырды.