«Гидрология» БББ 2 курс студенттері Ғ.Мүсірепов атындағы Қазақ мемлекеттік академиялық балалар мен жасөспірімдер театрына барды

2024 жылдың 15 қарашасында «Гидрология» БББ-ның 2 курс студенттері және олардың кураторы Абдуллаева Ә.С. Ғ. Мүсірепов атындағы Қазақ мемлекеттік академиялық балалар мен жасөспірімдер театрына барып, Әзілхан Нұршайықовтың «Махаббат, қызық мол жылдар» атты романының негізінде қойылған спектакльді тамашалады.

Қойылымның сюжеттік желісі Ербол мен Меңтай есімді жас кейіпкерлердің махаббат тарихын баяндайды. Бұл жолы режиссер классикалық туындыны заманауи көзқарас пен шығармашылық шешімдер арқылы жаңаша түсіндіріп, көрерменге ұсынды.

Бұл мәдени шара 4 ТДМ жүзеге асыру шеңберінде және өнерді насихаттау арқылы мәдени мұраны нығайтуға бағытталған.

Спектакльге бару студенттерге қазақ әдебиеті мен театр өнерін жақын танып, топтың ұйымшылдығын арттыруға, сондай-ақ өзара қарым-қатынасты нығайтуға мүмкіндік берді.