әл-Фараби атындағы ҚазҰУ-дың 90 жылдығына арналған тоғызқұмалақтан жарыс.

әл-Фараби атындағы ҚазҰУ-дың 90 жылдығына арналған тоғызқұмалақтан жарыс.

 1 желтоқсанда университет кітапханасының ғимаратында әл-Фараби  атындағы ҚазҰУ-дың 90 жылдығына және Халықаралық мүмкіндігі шектеулі адамдар күніне арналған тоғызқұмалақтан жарыс өтті.

Жарысқа Алматы қаласының  14 ЖОО командалары және алғашқы рет біздің университетте оқитын Бангладеш, Йемен, Қытай, Моңғолия, Қырғызстан, Өзбекстан, Түрікменстан студенттері қатысты. Сондай-ақ, жарысқа қатысушылар арасында тәжірибе алмасу үшін Алматы қаласы мен Алматы облысының мүмкіндігі шектеулі спортшылары болды. Барлығы 120 спортшы жиналды.

Тоғызқұмалақ бұл жай ғана ойын емес, бұл ұлттық спорт түрі, ұрпақтан-ұрпаққа жалғасып келе жатқан мәдени мұрамыз. Бүгінгі жарыстар-бұл дәстүрлердің жалғасы, университетте спорттың дамуы мен танымал болуының жаңа кезеңі.

Жарыс жеңімпаздары мен жүлдегерлері алты санат бойынша анықталды: студенттер (ерлер, әйелдер), шетелдік студенттер (ерлер, әйелдер), мүмкіндігі шектеулі адамдар (ерлер, әйелдер).

 Қатысушылар университет басшылығына, "Парасат" кәсіподағы қоғамдық бірлестігіне жарысты ұйымдастыруға көмектескені үшін және жеңімпаздарға бағалы сыйлықтар бергені үшін алғыс білдіреді.

Спорт клубы