Ханкук шет тілдер университеті профессорының онлайн дәрісі

2024 жылдың 3 желтоқсанында әл-Фараби атындағы Қазақ ұлттық университетінің Қиыр Шығыс кафедрасында «Қазақстан мен Оңтүстік Корея арасындағы стратегиялық серіктестік: геосаясат және даму» тақырыбында Хангук шет тілдер университетінің профессоры Дулат Бакишевтің онлайн дәрісі ұйымдастырылды.

 Дәріс барысында Оңтүстік Кореяның геосаяси стратегиясының негізгі аспектілері, соның ішінде АҚШ, Қытай және Солтүстік Кореямен өзара әрекеттестігі, сондай-ақ «Жаңа Солтүстік саяси курс» аясындағы Қазақстанның рөлі талқыланды.

 Дәріс соңында сұрақ-жауап сессиясы өтті. Студенттер Оңтүстік Корея мен Қазақстанның стратегиялық ынтымақтастығы, геосаясат және екіжақты қарым-қатынастарды дамыту мәселелеріне қатысты сұрақтар қойып, белсенділік танытты. Сонымен қатар, дипломатия саласында көп жылдар бойы қызмет атқарып, жоғары лауазымдарға тағайындалған профессордың тәжірибесінен шабыт алған студенттер осы салаға да қатысты сұрақтарын қойды.

Лекция студенттер арасында қызығушылық тудырып, маңызды геосаяси мәселелерді терең талқылауға ықпал етті.

                                                                                   Қиыр Шығыс кафедрасы