Оқырмандар клубымен кездесу “Қазына” кітап дүкенінде

Әл-Фараби атындағы ҚазҰУ-дың филология факультеті оқытушысы, тілтанушы Арғынбек Құнанбайұлы “Қазына” кітап дүкенінде кітапсүйер оқырмандармен ойталқы өткізді. Іс-шараға ҚазҰУ-дың оқырмандар клубы мүшелері атсалысты. Зейінді талапкерлер әртүрлі жанрдағы кітаптар жөнінде ғана емес, олардың оқылуы мен түсінілуі жөнінде пікір алысты. Оқудың ой мен танымға әсерін, санаға салмағын когнитивтік тұрғыда талқылап, үздіксіз даму мен тоқтаусыз оқудың арқасында ғана келетін жазу машығын дамыту жөнінде де сүбелі сөз қозғалды. Кітапсүйер жастардың талабын ұштап, өресі мен өрісін кеңейткен келелі кездесу өтті.