Әл-Фараби атындағы ҚазҰУ-дың Тұрақты даму саласындағы озық зерттеулері Green Business Pavilion - да ұсынылды

Әл-Фараби атындағы ҚазҰУ-дың тұрақты даму саласындағы озық зерттеулері Германия экономикасының Орталық Азиядағы өкілдігі ұйымдастырған "Green Business Pavilion: климат пен экономикалық өсуді қорғау үшін орнықты шешімдер" халықаралық конференциясында ұсынылды.

Green Business Pavilion тұрақты даму, энергетика, циклдік экономика және басқа салалардағы инновациялық жобалардың интерактивті көрінісін тәжірибеге бағытталған панельдік пікірталастармен біріктіреді. Павильон халықаралық және жергілікті бизнес өкілдері үшін ашық платформаны ұсынады, онда олар өз шешімдері мен идеяларын ұсына алады.

Әл-Фараби атындағы ҚазҰУ қоршаған ортаны қорғау және тұрақты даму саласындағы өзінің ғылыми зерттеулерін ұсынды, сондай-ақ Қазақстандағы неміс бизнесі қауымдастығының мүшесі болып табылатын NETSCI-мен серіктестікте "Green Business Pavilion" шеңберінде бірлескен бастамалары ұсынылды. 

Осы іс-шараға қатысу серіктестік желісін құруға және Ұлттық деңгейде айқындалатын салымдар маңыздылығы туралы пікір алмасуға, сондай-ақ оларды одан әрі дамыту үшін нақты ұсынымдар әзірлеуге мүмкіндік берді. Бұл іс-шара ТДМ 13 «Климаттың өзгеруіне қарсы күрес» және ТДМ 17 «Тұрақты даму мүддесіндегі әріптестік» бастамасының міндетттерін шешуді қамтиды.