ТДМ-4: «FARABI ARUI – 2024» байқауы жоғары деңгейде өтті

Оқу ордамызда Жастар ұйымдары комитетінің «ҚазҰУ Студенттер сенаты» ұйымдастыруымен 2 желтоқсан күні «FARABI ARUI – 2024» байқауы жоғары деңгейде өтті.

Нәзік әрі сұлу арулар өзара бақ сынасып, шығармашылық қабілетін паш ететін бұл байқауға биылғы жылы университетіміздің 10 аруы қатысты. Сахна төрінде жарқыраған арулардың әрқайсысы өзіне тән стильмен, сұлулықпен және харизмамен көрермендерді таң қалдырды.  Олар байқау кезінде бірінен-бірі өткен сұлу, қылықты, ақылды, білімді екенін дәлелдеді. Сонымен қатар бұл байқауға қазақ эстрадасының танымал жұлдыздары, көпшілік сүйіп тыңдайтын хит әндерді орындаушы әншілер келіп, әннен шашу шашып, кештің атмосферасын жандадырата түсті.

Биылғы «FARABI ARUI– 2024» байқауының нәтижесінде

ГРАН-ПРИ – Химия және химиляқ технологиялар факультетінің 1-курс студенті Ақылбек Айдана;

І орын – Физика-техникалық факультетінің 2 курс студенті Нугман Мөлдір;

ІІ орын – Механика-математика факультетінің 2-курс студенті Ержанқызы Нұрқал;

ІІІ орын – Журналистика факультетінің 2-курс студенті Ерман Мира иеленді.

Барлық қатысушы қыздарымыз арнайы «Көрікті ару», «Қылықты ару», «Ізденімпаз ару» және т.б. номинациялармен, сыйлықтармен марапатталды. 1, 2, 3-орын алған аруларға 50.000 - 150.000 теңге аралығында қаржылай сертификаттар берілді. Ал ГРАН-ПРИ иеленген аруымыз Ақылбек Айданаға 200.000 теңге мен «Египетке жолдама» табыс етілді.

Барша аруларымызды жеңістерімен құттықтаймыз!