«Көп қырлы журналист – Дәурен Мұхамеджанов »

«ТДМ 4. Сапалы білім беру» аясында "Қазақ әдебиеті және әдебиет теориясы" кафедрасының оқытушысы Гүлжан Болатова бастамасымен қараша айының 28-і «Әдебиеттану» мамандығының 3-курс студенттерімен  Ақпарат саласының үздігі, “Серпер” сыйлығының иегері Дәурен Мұхамеджановпен кездесу өтті. Кездесу барысында Дәурен Мұхамеджанов өзінің “Болашақ” бағдарламасымен өткен тәжірибесімен бөлісіп, студенттерге атқарған жұмыстарымен таныстырып өтті. Өнертану магистрі алғашқы оқуын Т. Жүргенов атындағы өнер академиясынан тәмәмдаса да әрі қарайғы оқу жолы Әл-Фараби атындағы ҚазҰу-да жалғасын тауыпты. Шет елдегі әсерлерімен бөлісіп студенттерді қызықтыра түсті. Сондай-ақ оқу тәжірибесінде өзі түсірген қысқа метражды деректі фильмдерімен таныстырды. ҚазҰу-да атқарған жұмыстарынан жинақталған кітапшасын көтере келген ақпарат саласының үздігі Дәурен Мұхамеджановпен кездесу қызықты әрі сәтті өтті.