Қазақстанның Тәуелсіздік күніне орай мазмұнды әрі әсерлі іс-шара

2024 жылдың 9 желтоқсанында 201-топ студенттері Қазақстанның Тәуелсіздік күніне орай мазмұнды әрі әсерлі іс-шара ұйымдастырды.Іс-шараның басты қонағы,куратор-эдвайзер,Құралай Төлегенқызы болды.Шара барысында студенттер өздерінің тыңғылықты дайындалған презентацияларын ұсынып, маңызды тарихи және танымдық мәліметтермен бөлісті.Қатысушылар арасында пікір алмасу үшін қызықты сұрақтар қойылып, қызу талқы өтті. Іс-шараның әр сәті шабытқа толы болды, ал студенттердің белсенділігі мен шығармашылық көзқарасы ерекше ықыласқа ие болды.Бұл шара студенттерге ұлттық құндылықтарды дәріптеудің маңыздылығын түсінуге мүмкіндік берді. Мерекелік рухтағы іс-шара баршаның көңілінен шығып, ұмытылмас әсер қалдырды.