Теорияны практикамен ұштастыру

Философия және саясаттану факультетінің «Мәдениеттану» мамандығының 4 курс студенттері топ эдвайзері С.М. Каупенбаеваның басшылығымен жуырда Ықылас атындағы ұлттық аспаптар мұражайында болып, түрлі халықтардың музыкалық мәдениеті әлеміне қанықты. Бұл іс-шара олардың оқу процесінің маңызды бөлігіне айналды, өйткені мәдениеттану өнердің, оның ішінде музыканың әртүрлі қауымдастықтардың дүниетанымы мен дәстүрін қалай көрсететінін зерттейді.

Көне және қазіргі заманғы ұлттық аспаптар жинағы бар мұражай студенттерге қазақ халқының мәдени мұрасымен тәжірибе жүзінде танысуға мүмкіндік берді.

Студенттер бұл аспаптардың тарихын зерттеп қана қоймай, олардың музыкалық дәстүрдің қалыптасуына қалай әсер еткенін түсіне алды. Экскурсия барысында мұражай өкілдері музыка мәдениеттің ажырамас бөлігі бола отырып, халықтардың құндылықтарын, символизмін және руханилығын жеткізуге көмектесетіні туралы әңгімеледі.