Әл-Фараби атындағы Қазақ ұлттық университетінде Тәуелсіздік күніне арналған «Үздік маман» байқауының жеңімпаздары марапатталды. Іс-шараны ҚазҰУ қызметкерлерінің «Парасат» кәсіподағы ұйымдастырды.
Дәстүрлі мерекелік шараға университет оқытушылары мен қызметкерлері жиналды.
Университет ұжымын Тәуелсіздік күнімен Басқарма төрағасының орынбасары – бірінші проректордың м.а. Еркін Дүйсенов құттықтап, білім ордасының соңғы жылдардағы жетістіктерін атап өтті.
«Университет жетістіктері үлкен ұжымының, басқарушы персонал мен оқытушылар құрамы және ғылыми қызметкерлердің еңбегі. Сіздердің адал еңбектеріңіз бен күш-жігерлеріңіздің арқасында біздің университет бүкіл Орталық Азияда ғылым мен білімнің көшбасшысына айналды. Бүгін білім беру мен ғылыми-зерттеу саласында үздіксіз қызмет ететін университетіміздің озық қызметкерлері марапатталады», - деді Еркін Ерманұлы.
Жеңімпаздарды Әл-Фараби атындағы ҚазҰУ қызметкерлерінің «Парасат» кәсіподағының төрағасы Талғат Мекебаев та құттықтап, байқау жыл сайын университет қызметкерлерін ынталандыратынын атап өтті. Оның жеңімпаздары әріптестеріне өз мамандығында биіктерге жетуге, ұжымда бедел мен құрметке қол жеткізуге ұмтылуда үлгі болады.
Биыл «Үздік маман» атағына әл-Фараби атындағы ҚазҰУ-дың 25 қызметкері ие болды (толық тізім төмендегі сілтемеде).
ҚазҰУ-дың Басқарма төрағасының орынбасары – бірінші проректордың м. а. Еркін Дүйсенов байқау жеңімпаздарына құрмет грамоталары мен сертификат табыстап, гүл сыйлады. Жеңімпаздар естелік фотоға түсіп, шара концерттік бағдарламаға ұласты.
Список победителей конкурса «Лучший в профессии»
Әл-Фараби атындағы ҚазҰУ-дың Баспасөз қызметі
Басқа жаңалықтар
