ТДМ-4: Студенттер «Alatau FM radiosy» музыкалық қойылымын тамашалады

Университетіміздің студенттері 3 желтоқсан күні Алатау театрына барып, «Alatau FM radiosy» музыкалық комедиясын тамашалады. 

Қойылым бүгінгі Алматының танымал радиотолқынында өрбиді. Анығырақ айтқанда Алматыдағы радиостанцияның шытырманға толы оқиғасын баяндайды. Егерде бір сәтте әлемде спутниктік ақау пайда болып, барлық ақпарат құралдары мен телефон байланысы істен шықса, әлем қалай өзгермек? Қойылым осы жағдай төңірегінде орын алатын оқиғаларды әзіл-қалжыңдарымен көрермен назарына ұсынады.  Алматы – сан тағдырдың тоғысқан мекені, махаббат пен мүмкіндіктер қаласы. Бұл музыкалық қойылым шытырманға толы махаббат оқиғасын көңілді әнмен, әсем қимылмен суреттейді.

«Alatau FM radiosy» музыкалық комедиясы көрермендерге, соның ішінде біздің білім алушыларымызға жағымды көңіл күй, ерекше әсер сыйлады.