«Заманауи зерттеулер негізінде діни мәтіндерді интерпретациялау» атты онлайн форум

12.12.2024 ж. Философия және саясаттану факультетінің мәдениеттану және дінтану кафедрасының дінтану және исламтану мамандығының магистранттарының ұйымдастыруымен «Заманауи зерттеулер негізінде діни мәтіндерді интерпретациялау» атты онлайн форум  өтті.

Форумға университет аға оқытушылары, докторанттар мен магистранттар, студенттер қатысты. Форумда діни мәтіндерге қатысты заманауи мәселелер талқыланды. Әлеуметтік жағдайлардың да діни радикализмге себеп болатыны жайлы мәселелер қозғалып, түйін ретінде кейбір ортақ пәндерді дамыту және зерттеулерді кеңейту арқылы діни мәтіндерге қатысты көптеген қиындықтарды шешу жолдары ұсынылды. Ерімбет Рамзан мен Бағаев Бағдат, өз баяндамаларында ғылыми және практикалық тәжірибелерімен бөлісіп, тыңдаушыларға жаңа ғылыми идеялар ұсынды. Тыңдарман тарапынан қызықты сұрақтар қойылып, түрлі талдаулар жасалды. Ғылыми алаңда бір ғана оймен шектелуге болмайтындығына бірнеше мысалдар келтірілді. Ғылыми алаңдағы радикалдану сақтанудың жолдары айтылып, объективті зерттеу жолдары ұсынылды.

Дінтану және мәдениеттану кафедрасы

                           PhD, аға оқытушы Тунгатова У.А.                                                

2 курс исламтану және дінтану мамандығының магистранттары:

                                                 Аширалиев Қ., Жанысбаев Р., Еркебұланұлы Р., Қадыр І., Ержанова А., Естай Р., Разбекова М., Қуан А.