ҚазҰУ-дың география және табиғатты пайдалану факультетінің "Тұрақты даму және табиғатты тиімді пайдалану" орталығында маңызды кездесу өтті

2024 жылдың 13 желтоқсанында ҚазҰУ-дың география және табиғатты пайдалану факультетінің "Тұрақты даму және табиғатты тиімді пайдалану" ғылыми-зерттеу орталығында Ахмет Ясауи университетінің "Тұрақты даму ғылыми-зерттеу орталығының" директоры, х.ғ.к. Тулкинжон Эркинович Гаипов мырза қонақта болды. Кездесу барысында тұрақты даму бойынша ЮНЕСКО кафедрасының меңгерушісі Базарбаева Т.А. ғылыми-зерттеу орталығының жұмысы, мақсаттары мен жобаларымен таныстырды. Қонаққа университеттің тұрақты даму саласындағы жетістіктері мен жобалары жайлы толық ақпарат берілді. Сонымен қатар, екіжақты ынтымақтастықты дамыту және ортақ зерттеулер жүргізу мүмкіндіктері талқыланды.

Бұл кездесу ғылыми және академиялық байланыстарды нығайтуға бағытталған маңызды қадам болды.