«Тұрақты даму мақсаттарының (ТДМ)» «Бейбітшілік, әділдік және тиімді институттар» тармағы аясында Таяу Шығыс және Оңтүстік Азия кафедрасының аға оқытушысы, ф.ғ.к. Ғалия Әмзеқызы Қамбарбекова Иран президенті қолынан сыйлық алды

17 желтоқсанда Таяу Шығыс және Оңтүстік Азия кафедрасының аға оқытушысы, ф.ғ.к. Ғалия Әмзеқызы Қамбарбекова Иран Ислам Республикасының президенті Масуд Пезешкианның қолынан халықаралық Фараби (FIA) сыйлығын алды. Иран Ислам Республикасының Ғылым, зерттеу және технологиялар Министрлігі жыл сайын Ислам гуманитарлық ғылымдарының дамуына бағытталған Фараби Халықаралық сыйлығына байқау өткізеді. Сыйлық жас (35 жасқа дейінгі) және ересек деңгейлердегі таңдаулы жұмыстарды қабылдап тексереді және таңдайды, жұмыс аумақтық тұрғыдан алғанда, ішкі және сыртқы салаларды қамтиды. Ішкі аумаққа келетін болсақ, ирандықтар жасаған барлық жұмыстар, олардың қазіргі тұрғылықты жері мен кәсібіне қарамастан, қарастырылады, ал шетелдік аумаққа иран азаматтығы жоқ адамдар жасаған жұмыстарды қамтиды. Айта кетейік, Иранның екі халықаралық сыйлығы бар. Гуманитарлық ғылымдар саласындағы Фараби халықаралық сыйлығы және жаратылыстану ғылымдары саласындағы Хорезми халықаралық сыйлығы. Хорезми халықаралық сыйлығын Қазақстаннан осыған дейін математик Асқар Жұмаділдаев алған.