ҚазҰУ студенті OceanMan-2024 жүлдегері

Әл-Фараби атындағы ҚазҰУ-дың заң факультетінің студенті, белгілі спортшы Елдар Шекербек OceanMan-2024 ашық суда жүзуден әлем чемпионатында қола медаль иегері атанды.

Әлемнің 62 елінен 2200-ден астам спортшы қатысқан ашық суда жүзуден әлем чемпионатының финалы Біріккен Араб Әмірліктерінде Дубай қаласында өтті.

Елдар Шекербек 3х500 метрге дейінгі эстафетада қола медаль жеңіп, үшінші орынды иеленді. Сонымен қатар жас спортшы 10 шақырым қашықтықтағы жүзуге қатысып, ауа райының қолайсыздығына, жел мен қатты толқындарға қарамастан, ол 101 қатысушының ішінде бесінші орынға қол жеткізді.

Жарысқа олимпиада және әлем чемпионаттарының жүлдегерлері қатысты. Бұл аталған доданың маңызды екенін көрсетеді.

Елдар Шекербек – екі дүркін әлем чемпионы, Азия чемпионы, 20-29 жас аралығындағы ашық суда 10 шақырым қашықтықта жүзетін әлемнің үздік жүзушілерінің бестігіне кіреді.

Спортшымызды кезекті жетістігімен құттықтаймыз!

Әл-Фараби атындағы ҚазҰУ-дың Баспасөз қызметі