Қиыр Шығыс бөлімінің кітапханасы Korea Foundation кітаптарымен толықты.

2024 жылдың 19 желтоқсанында Қиыр Шығыс кафедрасына Korea Foundation қолдауы аясында корей тілі бойынша оқулықтар, корей тілінен халықаралық емтиханға (TOPIK) дайындалуға арналған материалдар, әдеби шығармалар мен тілді оқытуға арналған оқу құралдары түсті. Оқулықтардың жалпы құны 2 миллион вонды (2000 доллар) құрайды және барлық кітаптар бөлімге тегін берілді. Korea Foundation ынтымақтастықтың бірегей мүмкіндігінің арқасында кафедраның кітапхана қоры мүлде жаңа оқулықтармен, оның ішінде ағымдағы баспадан шыққан кітаптармен толықты.

Оқулықтар Қиыр Шығыс кафедрасының оқытушыларының сұранысы негізінде берілді, оған телехикаялар және қытай таңбалары арқылы корей тілін үйрену, БАҚ тілі сияқты материалдар кірді. Оқу материалдарына деректану мен тарихнама, мәдениет пен әдебиет туралы кітаптар, Нобель сыйлығының лауреаты Хан Гандың кітаптары кірді. Оқулықтар оқу үдерісін әртараптандыруға, оқу базасын, кітапхана қорын жақсартуға және студенттерді оқытуға көмектеседі.

Korea Foundation мен Қиыр Шығыс кафедрасы жемісті ынтымақтасады. Биылғы оқу жылының басында шақырылған профессордың келуі туралы келісімге қол қойылды. Осылайша, 2025 жылдың қаңтарында Қиыр Шығыс кафедрасына корейтану маманы PhD докторының келуі күтілуде.

Исмаилова С.Ж., Қиыр Шығыс кафедрасының аға оқытушысы