ҚазҰУ оқытушылары үздік атанды

Әл-Фараби атындағы Қазақ ұлттық университетінің 36 оқытушысы «2024 жылғы жоғары оқу орнының үздік оқытушысы» конкурсының жеңімпазы атанды.

Ағымдағы жылғы конкурста отандық 38 жоғары оқу орнының 150 оқытушысы үздік деп танылды. Соның 36-сы ҚазҰУ-да жұмыс істейді.

Жеңімпаздардың әрқайсысы 2000 АЕК көлемінде сыйақы алады, бұл шамамен 7 млн теңгені құрайды. Ақшалай ынталандырудан бөлек, арнайы төсбелгімен марапатталады.

Конкурс жыл сайын оқытушы кәсібінің беделін арттыру және оларды одан әрі кәсіби дамытуға ынталандыру мақсатында өткізіледі.

Биыл еліміздің 90 жоғары оқу орнынан барлығы 946 үміткер қатысты. Конкурста электронды оқу ресурстарын, оқу материалдарын әзірлеу және жариялау, отандық және халықаралық журналдардағы ғылыми жарияланымдар, өнертабысқа патенттердің болуы және т.б. сияқты көрсеткіштер, сондай-ақ үміткердің оқыту сапасы, оның бакалавриатта, магистратурада және докторантурада кадрлар даярлау жөніндегі еңбегі бағаланады.

Әл-Фараби атындағы ҚазҰУ-дың Баспасөз қызметі