«Тұрақты даму мақсаттарының (ТДМ)» «Тұрақты даму үшін серіктестік» тармағы аясында Таяу Шығыс және Оңтүстік Азия кафедрасы оқытушылары мен студенттері Ялда мерекесіне арналған кешке қатысты

26 желтоқсанда Таяу Шығыс және Оңтүстік Азия кафедрасы ирантану бөлімінің  оқытушылары мен студенттері Алматыдағы Иран Ислам  Республикасы Бас консулдығы жанындағы  Мәдени орталықта өткен «Ялда  мерекесі» кешіне қатысты. Ялда немесе Ялда түні - жылдың ең ұзақ түнін білдіретін қысқы күн тоқырауының мерекесі. Кеште Ялда мерекесі мен Наурыз мерекесі арасындағы сабақтастық туралы әңгіме қозғалды. Ялда  мерекесі ежелден түннің қысқарып, күннің ұзаруын қарсы алған отбасылар үшін төзімділік пен үміт сәті болды. «Жаңа күн» дегенді білдіретін Наурыз мерекесі көктемнің келуімен бірге қайта туу мен жаңарумен байланысты. Ялда да, Наурыз да астрологиялық мәнге ие. Кеште студенттер Ялда мерекесінің дәстүрлі рәсімдерімен де танысты.