Бүгін - Әл-Фараби атындағы Қазақ Ұлттық Университетінің құрылған күні!

Бүгін, 15 қаңтарда, әл-Фараби атындағы Қазақ ұлттық университетінің құрылған күні. 1934 жылы негізі қаланған еліміздің ең ірі әрі ең беделді жоғары оқу орындарының бірі бүгінгі таңда әлемдік деңгейде білім мен ғылым саласында өзіндік орнын тапқан мекеме болып табылады. Университет ұлттың интеллектуалдық әлеуетін арттыруға, ғылым мен білімді дамытуға бағытталған сансыз жобалар мен бағдарламалардың бастамашысы. 

Әл-Фараби атындағы ҚазҰУ тарихы – ғылыми зерттеулердің, талантты жастардың, әлемдік аренада еліміздің беделін арттыру мақсатындағы маңызды қадамдардың тарихы. Университеттің алдағы уақытта да еліміздің білім саласындағы көшбасшылық рөлін жалғастырып, жастарды жаңа биіктерге жетелейтініне сеніміміз мол.

Құрметті ұстаздар мен студенттер, осы мерекемен құттықтап, ғылым мен білім жолында жаңа жетістіктерге жетулеріңізге тілектеспін!

«Мемлекет және құқық теориясы мен тарихы, конституциялық және әкімшілік құқық» кафедрасы.