ҚазҰУ Музейі витриналары жаңартылды

Әл-Фараби атындағы ҚазҰУ тарихы музейі - университеттің мәдени дәстүрі мен бай тарихи мұрасын сақтаушы және рухани - идеологиялық тәрбие беру орталығы.

ҚазҰУ музейі – оқу ордасының мәдени-тарихи нұсқаларды жинақтап, сақтап, насихаттап қана қоймай, ұлттық құндылықтар мен дәстүрде тәрбиеленген, отанын сүйетін, ел келешегін жалғастырушы бәсекеге қабілетті жас мамандарды тәрбиелеу міндетін де атқарады.

2009 ж. салтанатты ашылғаннан бері Музей университет тарихы, жобалы жоспарлары мен даму кезеңдерінен мәлімет беретін витриналарына әрдайым өзгерістер енгізіп отырады.

2024 ж. университетіміздің мерейлі 90-жылдығына байланысты өткізілген ауқымды іс-шаралары мен ғылыми, инновациялық жетістіктері жайында витриналар жаңартылды. Атап айтсақ:

• Жібек жолы университеттері Альянсымен ынтымақтастық - жаңа жобалар мен мүмкіндіктер
• Академиялық ұтқырлық - ҚазҰУ-дың стратегиялық даму бағыттарының бірі
• Жаңа ғылыми-техникалық жобалар
• Ғылыми-техникалық және инновациялық даму
• Әл-Фараби атындағы Қазақ Ұлттық университетінің шетелде ашылған филиалдары мен орталықтары

Бұл витриналарға халықаралық республикалық деңгейде өткізілген конференциялар мен форумдар, университет ғалымдарының ғылыми жетістіктері, ашылған зертханалар, ұйымдастырылған көрмелер, шетелдегі университет филиалдары мен орталықтары және т.б. жетістіктері қойылды.