Силлабус және оқу әдістемелік кешенін ұйымдастыру бойынша семинар

География және табиғатты пайдалану факультеті, метеорология және гидрология кафедрасында оқу сапасы бойынша академиялық комитеттің төрайым Көшім Асима Ғалымжанқызының ұйымдастыруымен силлабус және пән бойынша оқу-әдістемелік кешенін құрастыру бойынша практикалық семинар өтті. Семинар барысында кафедра оқытушыларына силлабус құрылымы, оны құру әдістемелері, нәтижелерін құрастыру жолдары сияқты маңызды тақырыптар талқыланды. Шара барысында оқытушылар тәжірибе алмасып, көктемгі семестр пәндері бойынша силлабустарын әзірлеп, туындаған сұрақтарына жауаптар алды. Бұл семинар силлабусты дұрыс құрастыру арқылы студенттерге берілетін білімнің жүйелі, түсінікті және сапалы болуына үлес қосумен құнды болды. Оқу әдістемелік кешенінің сапалы құрастырылуы үшін де маңызды ақпараттар айтылып, кафедра оқытушылары тәжірибелік маңызы зор семинарды ұйымдастырып, өткізген Көшім Асима Ғалымжанқызына алғыстарын білдірді.