Цукуба (Жапония) университетінде оқу гранттарына байқау жарияланды

21 желтоқсан, 2015

Цукуба (Жапония) университетінің ауыл шаруашылығына қатысты ғылыми-зерттеу бағдарламасы (PhD doctor) оқу гранттарына байқау жариялайды.

Бағдарламаға ауыл шаруашылығындағы қоршаған орта мен энергия және тағам қауіпсіздігіне қатысты зерттеу жұмысын жүргізетін оқытушы немесе зерттеуші қатыса алады. Сонымен қатар, 2016 жылдың 1 қыркүйегіне дейін магистратурада білім алып жүрген оқушылар мен түлектер және міндетті түрде осы салада жұмыс істеп жүрген азаматтар қатыса алады.

Байқауға қатысу талаптары:

жасы 24-35 аралығы

GPA көрсеткіші 2,5-4,0 аралығы;

IELTS 6,5 көрсеткішінен жоғары болуы қажет.

Бағдарлама аясында ай сайын 145000 иен шәкіртақы беріледі.

Бағдарламаның өту мерзімі: 1 қазан 2016жылдан 1 қазан 2018 жылға дейін.

Бағдарламаға байланысты толық ақпарат және өтініш төмендегі файлда тіркелген.

Толтырылған мәліметтерді 2016 жылдың қаңтар айының 5-15 аралығындаPDF форматында nabechan@gene.tsukuba.ac.jp поштасына жіберулеріңізді сұраймыз.

Құжаттардың түпнұсқасын 2016 жылдың қаңтар айының 25-29 аралығында жіберу керек.

Online емтихан 2016 жылдың ақпан айының 22-26 аралығында өтеді.

Өтініш файлдарын 2016 ж. 10 қаңтарына дейін толтыру қажет.

Қосымша ақпаратты s0430062.ninomiya@gmail.com поштасы арқылы біле аласыздар