Жергілікті атқарушы органдармен бірлесіп BR21882122 мегагрант зерттеу тобы мүшелерінің 7-ші Ғылыми кеңесі өтті

БҰҰ ТДМ жүзеге асыратын BR21882122 «Жасыл даму контекстінде Батыс Қазақстан өңірінің табиғи-шаруашылық және әлеуметтік-экономикалық жүйелерінің тұрақты дамуы: кешенді талдау, тұжырымдама, болжамдық бағалау және сценарийлер» Мегагрантын іске асыру шеңберінде Маңғыстау облысының жергілікті атқарушы органдарымен бірлесіп зерттеу тобы мүшелерінің Ғылыми кеңесі өтті.

Ғылыми кеңесте бағдарламалық-нысаналы қаржыландыру жобасының 8 кіші бағдарламаларының жетекшілері 2024 жылғы ғылыми-зерттеу жұмыстарының нәтижелерімен бөлісті. Кездесуді әл-Фараби атындағы ҚазҰУ және Ш. Есенов атындағы Каспий технологиялар және инжиниринг университеті ұйымдастырды. Кездесуге Маңғыстау облысы әкімі аппараты басшысының орынбасары Әнуар Бимағамбетов, Маңғыстау облысы Табиғи ресурстар және табиғатты пайдалануды реттеу басқармасының басшысы Дүйсекенов Сәбит, Қазақстан Республикасы Энергетика министрлігі Экологиялық реттеу және бақылау комитетінің Маңғыстау облысы бойынша экология департаментінің басшысы Армат Жүсіпқалиев; Маңғыстау облысы балық шаруашылығы басқармасының басшысы Мулдашев Арман Багытжанұлы «Қазақстан Республикасы Экология, Геология және табиғи ресурстар министрлігі Орман шаруашылығы және жануарлар дүниесі комитетінің Маңғыстау облыстық орман шаруашылығы және жануарлар дүниесі аумақтық инспекциясы» РММ басшысы Досатов Ғаббас Шаңытбайұлы қатысты.

Сондай-ақ, күн тәртібінде ЖАО-мен бірлескен жұмыстар және 2025 жылға арналған күнтізбелік жоспар бойынша іс-шараларды орындау жоспары талқыланды. Жұмыс кеңесі сындарлы атмосферада өтті, ықтимал қиындықтар талқыланды және барлық міндеттерді уақтылы орындау үшін қажетті шаралар қабылданды.

Бейнежазбасына сілтеме:

https://drive.google.com/file/d/144OiZBi8MInckyDFiEZDwfBsXbq3XJpC/view?usp=sharing 

Бағдарлама сайты: https://ecokazwest.kz/