Физика-техникалық факультетте «Women in Science» халықаралық дөңгелек үстелі өтті. ТДМ 5

2025 жылдың 12 ақпанында әл-Фараби атындағы Қазақ ұлттық университетінің физика-техникалық факультетінде Women in Science халықаралық дөңгелек үстелі өтті. Іс-шара Халықаралық әйелдер мен қыздардың ғылымдағы күніне арналды. Кездесу гибридті форматта (офлайн/онлайн) ұйымдастырылды, бұл қатысушылардың географиясын кеңейтіп, әртүрлі қалалар мен елдерден өкілдердің қосылуына мүмкіндік берді. Жиын барысында ғылым мен қоғамдағы әйелдердің рөліне қатысты негізгі мәселелер талқыланды. Қатысушылар XX ғасырдағы эмансипация қозғалысы, әлемдегі әйел ғалымдардың ғылымға қосқан үлесі және қазақстандық ғылымдағы көрнекті әйел тұлғалар туралы ой қозғады. Әйелдердің ғылыми мансап жолында кездесетін қиындықтары басты назарда болды. Шақырылған спикерлердің бірі – Дарья Пузикова, Д.В. Сокольский атындағы Институттың катализ және электрохимия зертханасының аға ғылыми қызметкері. Ол әйел ғалымдардың алдында тұрған күрделі мәселелер мен оларды шешу жолдары туралы егжей-тегжейлі баяндады.

Талқылау барысында сарапшылар ғылымдағы әйелдерді қолдаудың бірнеше негізгі бағыттарын атап өтті:

• гендерлік стереотиптермен күрес;
• мансап пен отбасылық өмір арасындағы тепе-теңдікті сақтау үшін жағдай жасау;
• кәсіби өсу мен ресурстарға тең қолжетімділікті қамтамасыз ету.

Іс-шара аясында ғылымдағы жетістіктерімен ерекшеленген физика-техникалық факультеттің әйел ғалымдарына салтанатты марапаттау рәсімі өтті. Факультет деканы, бұған дейін ректордың алғыс хатын алған, ғылымға қосқан үлесі үшін Сымбат Болегенова, Кундуз Туреханова және Ольга Федоренкоға құрмет грамоталары мен алғыс хаттарын табыстады.

Іс-шара Гендерлік теңдікке қол жеткізуді мақсат ететін Тұрақты даму мақсаты (ТДМ) №5 аясында өтті.