ТДМ-17: «Sunkar Brain» интеллектуалды сайысы өтті

Әл-Фараби атындағы Қазақ ұлттық университетінде «Сұңқар» студенттер мен магистранттар кәсіподағының ұйымдастыруымен 21 ақпан күні Тұрақты даму мақсаттарының «Тұрақты даму үшін серіктестік» бағытын жүзеге асыру аясында «Sunkar Brain» интеллектуалды сайысы өтті. Бұл шара білім мен ой-өрісті дамытуға бағытталған ерекше алаңға айналып, қатысушылардың зияткерлік қабілеттерін сынауға мүмкіндік берді.
Сайысқа И.К. Мандоки атындағы №154 жалпы орта мектебі «Жас Сұңқар» өзін-өзі басқару ұйымы филиалы арнайы шақырылды. Болашақтың білімді ұрпағын тәрбиелеу мен олардың ойлау жүйесін дамыту мақсатында ұйымдастырылған бұл шарада оқушылар мен студенттер білім көкжиегін кеңейтіп, логикалық ойлау қабілеттерін шыңдады.
Зияткерлік дода барысында қатысушылар түрлі тақырыптар бойынша сұрақтарға жауап беріп, тапқырлық танытты. Әр команда өз білімі мен жылдамдығын көрсетуге тырысып, сайыстың әр кезеңінде ерекше белсенділікпен өнер көрсетті. Білім мен біліктілікті ұштастырған тартысты бәсеке көрермендерге де қызықты сәттер сыйлады.
Сайыс нәтижесінде үздік деп танылған командалар арнайы дипломдармен марапатталып, ҚазҰУ-дың естелік сыйлықтарына ие болды. Бұл марапаттар олардың еңбегі мен ынтасының лайықты бағаланғанының дәлелі болды. Осындай шаралар жастардың білімге деген құштарлығын арттырады.
«Sunkar Brain» интеллектуалды сайысы қатысушыларға тек білімдерін сынап қана қоймай, жаңа достар тауып, өзара тәжірибе алмасуға мүмкіндік берді. Интеллектуалды сайысқа қатысқан әрбір жас қазынадай білімін тереңдетіп, жаңа белестерге ұмтылуға жігерленді.