Әбул-Футух Сабри Юнус профессор, PhD докторы

Әбул-Футух Сабри Юнус – профессор, философия докторы (PhD). 1965 жылы туған. Қазіргі уақытта әл-Фараби атындағы Қазақ ұлттық университетінің Шығыстану факультеті, Таяу Шығыс және Оңтүстік Азия кафедрасының шақырылған оқытушысы болып табылады.

Ол 1997 жылы Каир университетін бітірді, 2002 жылы магистр дәрежесін, ал 2008 жылы «Араб тілі» мамандығы бойынша докторлық дәрежесін алды. Каирдегі «Әл-Араб» газетінде редактор, «Ғылым» ғылыми журналының журналисті және редакциялық алқасының мүшесі болып жұмыс істеді. «Каир жаңалықтары» атты ғылыми-білім беру телебағдарламасының негізін қалаушы және жетекшісі. «Әл-Ахрам», «Әл-Ахбар» және «Ел жаңалықтары» сынды танымал мысырлық басылымдарда мақалалары жарық көрген. Әлеуметтік аспектілерге бағытталған мәдениет, дәстүр және аударма ісі туралы бірнеше кітаптың авторы.

Мысыр Сыртқы істер министрлігінің ынтымақтастық бағдарламасы аясында 2016-2020 жылдар аралығында әл-Фараби атындағы Қазақ ұлттық университетінде араб тілінен сабақ берген.