1 Мамыр – Қазақстан халқының бірлігі күніне орай дөңгелек үстел өтті

Шығыстану факультетінде Қазақстан халқының бірлігі күніне арналған дөңгелек үстел өтті. Іс-шараның мақсаты – ел бірлігінің маңызын ұғындыру, түрлі мәдениеттер мен ұлттар арасындағы өзара түсіністік пен сыйластықты насихаттау.

Дөңгелек үстелге факультет оқытушылары, студенттер, сондай-ақ арнайы шақырылған қонақтар қатысты. Шара барысында Қазақстандағы этностардың мәдени ерекшеліктері, бейбітшілік пен келісімді сақтау жолдары туралы ойлар айтылып, мазмұнды баяндамалар оқылды.