Физика-техникалық факультеті Horizon Europe бағдарламасының 5-кластері бойынша Өңірлік ақпарат күніне дайындыққа қатысты. ТДМ 7 және 9

2025 жылғы 16 мамырда Орталық Азия елдері мен Еуропалық Одақ арасындағы халықаралық ғылыми ынтымақтастықты дамытуға бағытталған «Горизонт Еуропа» бағдарламасының 5-кластері бойынша Өңірлік ақпарат күнін дайындау аясында питч-презентациялардың алдын ала тыңдалымы өтті.

Іс-шараны Қазақстандағы ЕО-ның Ғылым және инновациялар жөніндегі Рамалық бағдарламасының Ұлттық үйлестіру орталығы «Ғылым қоры» АҚ-мен бірлесіп ұйымдастырды. Питч-сессия барысында қазақстандық жоғары оқу орындары мен ғылыми ұйымдардың өкілдері өз мекемелерін таныстырып, халықаралық бағдарламаларға қатысу тәжірибелерімен бөлісті және Horizon Europe бағдарламасының қолданыстағы жұмыс бағдарламалары шеңберіндегі өзекті тақырыптар мен конкурстарды атап өтті.

Әл-Фараби атындағы Қазақ ұлттық университетінің Физика-техникалық факультетін ғылым және халықаралық байланыстар жөніндегі деканның орынбасары Светлана Пешева таныстырды. Ол факультеттің негізгі ғылыми бағыттарын — тұрақты энергетика, нанотехнологиялар, ядролық және ғарыштық физика, сондай-ақ ғылымдағы жасанды интеллектті қолдану салаларын ұсынды.

Баяндаманың ерекше бөлігі факультеттің БҰҰ-ның Тұрақты даму мақсаттарын (ТДМ) жүзеге асыруға қосқан үлесіне арналды, соның ішінде таза энергияға қолжетімділікті қамтамасыз ету, инновациялар мен инфрақұрылымды дамыту, сондай-ақ тұрақты даму мақсатындағы әріптестік (ТДМ 7 және 9).

Тыңдалым ағылшын тілінде өтті және Қазақстан, Қырғызстан, Өзбекстан, Тәжікстан мен Түрікменстан ғылыми ұйымдарына арналған «Горизонт Еуропа» бағдарламасының конкурстарына қатысу бойынша практикалық нұсқаулық берілетін Өңірлік ақпарат күніне дайындықтың маңызды кезеңі болды.

«Горизонт Еуропа» — 95,5 млрд еуро бюджетін иеленген ЕО-ның зерттеу және инновациялар саласындағы жетекші бағдарламасы. Орталық Азия елдерінің конкурстарға қатысуын белсендіру, ұлттық байланыс желілерін құру және 5-кластер бойынша ұлттық байланыс тұлғаларын тағайындау — ЕО-мен ғылыми әріптестікті нығайту және жаһандық ғылыми-зерттеу процестеріне қатысуды арттыру жолындағы маңызды қадамдар.