Әл-Фараби атындағы Қазақ ұлттық университетінің көрнекті ғалымы Зауре Баянқызы Ракишеваға «ПРОФЕССОР» ғылыми атағы берілді!
🔹 Зауре Баянқызы – механика және ғарыштық технологиялар саласының білікті маманы, физика-математика ғылымдарының кандидаты, жоғары білім беру ісінің үздік ұйымдастырушысы.
📚 Ол Мәскеу мемлекеттік университетінің механика мамандығы бойынша түлегі (1986), ғылым жолындағы еңбек өтілі – 38 жыл. 1996 жылдан бері Әл-Фараби атындағы ҚазҰУ-де қызмет атқарып келеді. 2015–2023 жылдар аралығында механика кафедрасын басқарды.
🌍 Ғарыштық техника, қашықтықтан зондтау, робототехникалық жүйелер және серіктердің басқару жүйелері бойынша бірқатар ұлттық және халықаралық жобалардың жетекшісі. TEMPUS, ERASMUS+ бағдарламалары аясында халықаралық ынтымақтастық орнатып, KAIST, Tokyo University, Embry-Riddle University сияқты алдыңғы қатарлы университеттермен байланыс орнатты.
📖 Авторлық еңбектерінің қатарында 130-дан астам ғылыми мақала, оқу құралдары, оның ішінде ағылшын тіліндегі «Theoretical mechanics» кітабы бар. Оның жетекшілігімен бірнеше PhD диссертациялар сәтті қорғалды.
🏅 «Жоғары оқу орындарының үздік оқытушысы», «Білім беру ісінің құрметті қызметкері», «Ерен еңбегі үшін» және басқа да мемлекеттік марапаттардың иегері.
🎯 Профессор Ракишеваның ғылыми және педагогикалық қызметі БҰҰ-ның Тұрақты даму мақсаттарының бірнешеуіне сәйкес келеді:
• ЦУР 4 – Сапалы білім: жоғары білім беру сапасын арттыру, жаңа мамандықтар ашу және инновациялық оқу бағдарламаларын енгізу арқылы.
• ЦУР 9 – Индустрия, инновациялар және инфрақұрылым: ғарыштық технологиялар мен робототехникалық жүйелерді дамыту жобалары арқылы.
• ЦУР 13 – Климаттың өзгеруіне қарсы әрекет: қашықтықтан зондтау және экожүйелер мониторингіне бағытталған жобалар арқылы климаттық өзгерістерге бейімделуге үлес қосу.
👏 Құрметті Зауре Баянқызы, профессор атағыңыз құтты болсын! Еңбегіңіздің жемісі әрдайым ел игілігіне айнала берсін! Жаңа ғылыми белестер мен халықаралық табыстар тілейміз!
Ізгі тілекпен механика кафедрасының ұжымы!
Басқа жаңалықтар
